სიახლეები

Covid 19 - ახალი კორონავირუსის მსოფლიო მასშტაბით პანდემიური გავრცელების გამო შექმნილი მდგომარეობა მტკივნეულად აისახება დამსაქმებლისა და დასაქმებულის ურთიერთობაზე.

ჯეი ენდ თი ქონსალთინგი წლების განმავლობაში წარმოადგენდა და წარმოადგენს როგორც ქვეყნის უმსხვილესი დამსაქმებლების, ასევე დასაქმებულების ინტერესებს.

ზემოაღნიშნულის გათვალისწინებით, გთავაზობთ ჩვენი კომპანიის სამართლებრივ შეფასებას, გთხოვთ ეწვიოთ ბმულს: http://jtconsulting-geo.com/uploads/library/Bmdsbx9fhVxSV2EubSBKdV6vYM1uWpbz.pdf

იხილეთ ვრცლად

Benchmark Litigation 2019 წლის კვლევის შედეგებს აქვეყნებს. ამ შედეგების მიხედვით, „ჯეი ენდ თი ქონსალთინგი“ საქართველოში წარმოდგენილ წამყვან იურიდიულ ფირმებს შორისაა.

Benchmark Litigation უკვე მეთორმეტე წელია სწავლობს იურიდიული ფირმების მონაცემებისა და სამართლებრივ ბაზარს. თავდაპირველად, გამოცემა მხოლოდ აშშ-ის კანადის და ლათინური ამერიკის მონაცემებს ამუშავებდა, თუმცა ახლა ევროპას და აზია-წყნარი ოკეანის რეგიონსაც  მოიცავს.

კვლევის მიხედვით, ჯეი ენდ თი ქონსალთინგი“ ძირითადად ბიზნეს სამართლის დავებითა დაკავებული. გიორგი ცერცვაძე, კომპანიის მმართველი პარტნიორია, რომელიც წარმატებით წარმართავს სხვადასხვა კომერციულ დავასა, თუ ბიზნეს ტრანზაქციებთან დაკავშირებულ საკითხებს. კვლევის პერიოდში, იგი უძღვებოდა კომპანიის მიერ წარმოებულ ყველა საქმეს.

იხილეთ ვრცლად

2019 წლის 26 დეკემბერს, თბილისის სახელმწიფო უნივერსიტეტის იურიდიულ ფაკულტეტზე, ჩვენი კომპანიის უფროსი იურისტის, სიმონ ტაკაშვილის სადისერტაციო ნაშრომის დაცვა შედგა. სიმონი სამი წლის განმავლობაში, საქართველოსა და გერმანიაში (ჰამბურგი, მაქს-პლანკის შედარებითი და კერძო სამართლის ინსტიტუტი) მუშაობდა თემაზე „უცხოური ინვესტიციების დაცვის საერთაშორისო სტანდარტები და ეროვნული კანონმდებლობის შესაბამისობა ევროპულ და საერთაშორისო საინვესტიციო რეჟიმთან“. ნაშრომში დეტალურად არის მსჯელობა იმ აქტუალურ პრობლემებზე, რომელიც, პრაქტიკოს იურისტებს, ხშირად გვხვდება ჩვენს ყოველდღიურ საქმიანობაში.

ჯეი ენდ თი ქონსალთინგის გუნდი ულოცავს სიმონს სამართლის დოქტორის ხარისხს და უსურვებს მას პროფესიულ წინსვლასა და წარმატებას!

იხილეთ ვრცლად

2019 წლის 17-18 ოქტომბერს, ბუდაპეშტში, უნგრეთის ფინანსური არბიტრაჟის ბორდის ორგანიზებით, გაიმართა დავის ალტერნატიული გადაწყვეტის საშუალებების რიგით მეოთხე ყოველწლიური კონფერენცია.

აღნიშნულ კონფერენციაზე ერთ-ერთ მომხსენებლად მიწვეული იყო „ჯეი ენდ თი ქონალთინგის“ მმართველი პარტნიორი გიორგი ცერცვაძე. მოხსენების თემა „დავის ალტერნატიული გადაწყვეტის საშუალებების კულტურული ბარიერები პოსტ საბჭოთა სივრცეში (საქართველოს მაგალითზე)“. 

 

იხილეთ ვრცლად

J&T Consulting-ის სასწავლო ცენტრი გთავაზობთ ადვოკატთა საკვალიფიკაციო გამოცდისთვის მოსამზადებელ ინტენსიურ სასწავლო კურსს სამოქალაქო-ადმინისტრაციული სამართლის მიმართულებით.

კურსის მიზანია დაინტერესებულ პირებს მიაწოდოს ამომწურავი ინფორმაცია ადვოკატთა საკვალიფიკაციო გამოცდასთან დაკავშირებით და უზრუნველყოს მონაწილეთა სრულფასოვნად მომზადება როგორც თეორიული, ისე პრაქტიკული კომპონენტების მქონე სასწავლო პროცესის საშუალებით, რომელსაც გაუძღვებიან ქართულ სამართლებრივ სივრცეში მოღვაწე მაღალკვალიფიციური პრაქტიკოსი იურისტები.

კურსი დაგეგმილია საქართველოს ადვოკატთა ასოციაციის მიერ განსაზღვრული საგამოცდო პროგრამის მიხედვით.

იხილეთ ვრცლად