იურიდიული კომპანია „ჯეი ენდ თი ქონსალთინგი“ სულხან-საბა ორბელიანის უნივერსიტეტის კერძო სამართლის მაგისტრატურის სტუდენტებისთვის აცხადებს სერგი ჯაფარიძის სტიპენდიას. მონაწილეობისთვის აუცილებელია სტუდენტი ფლობდეს ინგლისურ ენას მაღალ დონეზე (C1 დონე). გამარჯვებულის გამოვლენის დროს, დამატებით ყურადღება მიექცევა კონკურსანტების აკადემიურ მოსწრებას და წინა სემესტრ(ებ)ში მიღებულ შეფასებებს. ამასთან, ინგლისური ენის გარდა, სხვა დამატებითი ენის ცოდნა ჩაითვლება პრიორიტეტად;
სტიპენდიის ხანგრძლივობა: 6 თვე;
სტიპენდიანტის/გამარჯვებულის რაოდენობა: ერთი;
სტიპენდიის ოდენობა: 200 ლარი; ამასთან, გამარჯვებული კონკურსანტი 6 თვიან სტაჟირებას გაივლის იურიდიული კომპანია „ჯეი ენდ თი ქონსალთინგში“;
სტიპენდია გაიცემა ყოველ სემესტრულად. თითოეულ სემესტრში გამოვლინდება 1 გამარჯვებული.
კონკურსში მონაწილეობისთვის წარმოსადგენია:
- განცხადება (რომელიც ელექტრონული ფოსტის საშუალებით, არაუგვიანეს 2025 წლის 5 აპრილისა, გადმოგზავნილ უნდა იქნას შემდეგ მისამართზე: mari.tsitskishvili@jtconsulting-geo.com);
- განმცხადებლის რეზიუმე (CV);
CV-ების გადარჩევის შემდეგ, მეორე ეტაპზე გასული კანდიდატები ინგლისურ ენაზე შეასრულებენ დავალებას (დაწერენ ესეს).
შესრულებული დავალების შეფასების შემდგომ, მესამე ეტაპზე, ჩატარდება გასაუბრება და გამოვლინდება გამარჯვებული.
