2021 წლის 29 მაისს გაიმართა მედიაციის საერთაშორისო წერითი შეჯიბრის გლობალური დაჯილდოების ცერემონია, რომელზეც ვაინშტაინის საერთაშორისო ფონდის წევრების მიერ გამოვლინდა გამარჯვებული ეროვნულ დონეზე მსოფლიოს 9 ქვეყნიდან. გლობალურ დაჯილდოებას ესწრებოდნენ მონაწილე სახელმწიფოების სამართლის სკოლის სტუდენტები, შემფასებელთა პანელის წევრები, მხარდამჭერი იურიდიული ფირმები და სამართლის სკოლები.
საქართველოდან მედიაციის საერთაშორისო წერითი შეჯიბრის გამარჯვებული წარადგინა ვაინშტაინის საერთაშორისო ფონდის წევრმა - გიორგი ცერცვაძემ.
გამარჯვებული შემფასებელთა პანელის 5 (ხუთი) წევრის ინდივიდუალური შეფასებით და ქულათა ჯამური მაჩვენებლით გახდა ივ. ჯავახიშვილის სახელობის თბილისის სახელმწიფო უნივერსიტეტის მე-4 კურსის სტუდენტი - ნინო აღნიაშვილი, რომელსაც ვაინშტაინის საერთაშორისო ფონდის, იურიდიული ფირმა ჯეი ენდ თი ქონსალთინგის და ი ბი ეი მედიაციისა და არბიტრაჟის ცენტრის თანასპონსორობით გადეცემა ჯილდო - 1 000 აშშ დოლარის ოდენობით.
განსაკუთრებულ მადლობას ვუხდით,
შეჯიბრის მხარდამჭერ იურიდიულ ფირმებს საქართველოში
EY Georgia-ს და
MG Law-ს
შემფასებელთა პანელის წევრებს - გიორგი სვანაძეს, ლევან ჯანაშიას, ოთარ მაჩაიძეს, ლევან ჟორჟოლიანს, გიორგი ცერცვაძეს
და თითოეულ მონაწილე სტუდენტს - შეგახსენებთ, რომ შეჯიბრში გლობალურ დონეზე საქართველოდან დაფიქსირდა ერთ-ერთი ყველაზე მაღალი აქტივობა.
თითოეულ თქვენგანს გისურვებთ წარმატებებს მომავალშიც!
